WorldSkills International ұйымының өкілі колледжге келді!

WorldSkills International ұйымының Стратегиялық даму жөніндегі Кеңесінің мүшесі, Ирландия елінен келген Ray English колледжге арнайы сапармен келді.

Құрметті қонақ колледж ұжымының қазақтың ұлттық дәстүрімен қарсы алу рәсіміне ризашылығын білдіріп, жылы лебізін айтты.

Ray English колледж музейін аралап, студенттердің WorldSkills чемпионаттарына дайындалуға арналған заманауи құрал-жабдықтармен жабдықталған оқу және құзыреттілік орталықтарымен танысты.

Ол студенттердің дайындық барысына жоғары баға беріп:

“Мұндай деңгейдегі дайындық – болашақ жеңістердің алғашқы баспалдағы”,

— деп атап өтті.