Хабарландыру

Н.Бекбосынов атындағы Маңғыстау энергетикалық колледжі

Хабарландыру

2020 жылғы 21 ақпанда ҚР Білім және ғылым министрінің №57 бұйрығына сәйкес
Н.Бекбосынов атындағы Маңғыстау энергетикалық колледжі 2025 жылғы 4 тамыз бен 12 тамыз аралығында КОНКУРС жариялайды:

Вакансиялар туралы хабарландырулар Instagram, Facebook әлеуметтік желілерінде, «Enbek.kz» порталында және колледждің ресми сайтында (mek.edu.kz) жарияланды.

Конкурс келесі негізгі бос орындарға өткізіледі:

1. Арнайы пән оқытушысы (Автоматтандыру және басқару) – 1,5 жүктеме (қазақ және орыс тілдерінде);

2. Арнайы пән оқытушысы (Электрмен жабдықтау) – 1,5 жүктеме (қазақ және орыс тілдерінде);

3. Арнайы пән оқытушысы (Бағдарламалау негіздері) – 1,5 жүктеме (қазақ және орыс тілдерінде);

4. Арнайы пән оқытушысы (Электр жабдықтары) – 1,5 жүктеме (қазақ және орыс тілдерінде);

5. Арнайы пән оқытушысы (Жаңартылатын энергия көздері) – 1,5 жүктеме (қазақ және орыс тілдерінде);

6. Математика пәнінің мұғалімі – 1,0 жүктеме (қазақ және орыс тілдерінде);

7. Тарих пәнінің мұғалімі – 1,5 жүктеме (қазақ және орыс тілдерінде);

8. Өндірістік оқыту шебері – 1,0 жүктеме (қазақ және орыс тілдерінде).

Біліктілік талаптары:
Жоғары және/немесе арнаулы орта немесе кәсіптік білімі болуы, жұмыс өтілі талап етілмейді; және/немесе мамандығы бойынша жұмыс өтілі біліктілік санатына сәйкес:

• педагог-модератор үшін – кемінде 2 жыл;

• педагог-эксперт үшін – кемінде 3 жыл;

• педагог-зерттеуші үшін – кемінде 4 жыл;

• педагог-шебер үшін – кемінде 5 жыл.

Конкурсқа қатысу үшін қажетті құжаттар тізімі:

1. конкурсқа қатысу туралы өтініш;

2. жеке басын куәландыратын құжат;

3. кадр есебі үшін толтырылған жеке парақша;

4. біліктілік талаптарына сәйкес педагогтың білімі туралы құжат көшірмесі;

5. еңбек қызметін растайтын құжат көшірмесі (бар болған жағдайда);

6. ҚР Денсаулық сақтау министрінің 2020 жылғы 30 қазандағы № ДСМ-175/2020 бұйрығына сәйкес бекітілген нысан бойынша денсаулық жағдайы туралы анықтама;

7. Психоневрологиялық диспансерден анықтама;

8. Наркологиялық диспансерден анықтама;

9. Ұлттық біліктілік тестілеу туралы куәлік немесе педагог-модератор, педагог-эксперт, педагог-зерттеуші, педагог-шебер санатын растайтын құжат (болған жағдайда). Егер үміткердің біліктілік санаты жоқ, бірақ педагогикалық білімі бар болса, колледж немесе жоғары оқу орнын енді бітірген жас мамандар үшін «Педагог» санаты бойынша Ұлттық біліктілік тестілеу куәлігі болуы міндетті;

10. Үміткердің кәсіби деңгейін растайтын қосымша құжаттар (дағдыларды дамыту, ғылыми/академиялық дәрежелер мен атақтар, ғылыми немесе әдістемелік жарияланымдар, біліктілік санаты туралы құжаттардың көшірмелері, алдыңғы жұмыс берушіден берілген ұсыным хаттар);

11. Арнайы пән оқытушылары мен өндірістік оқыту шеберлері техникалық және кәсіптік, арнаулы орта білім беру ұйымдарында мамандығы бойынша кемінде 2 жыл өндірістік жұмыс өтілі болуы немесе аттестациядан босатылған болуы тиіс;

12. Үміткердің бос немесе уақытша бос мұғалім лауазымына арналған бағалау парағы (қосымша 11 нысан);

13. Еңбек өтілі жоқ үміткерлер үшін – ұзақтығы кемінде 15 минут, ажыратымдылығы кемінде 720x480 бейнепрезентация.

Көрсетілген құжаттардың бірінің болмауы құжаттарды кері қайтаруға негіз болады.

Комиссия құжаттарды қабылдау аяқталғаннан кейін бес жұмыс күні ішінде үміткерлердің біліктілік талаптарына сәйкестігін қарайды.