Н.Бекбосынов атындағы Маңғыстау энергетикалық колледжі «Жұмысшы жылы» аясында студенттердің тәжірибеден өтуі мен жұмысқа орналасуын қамтамасыз ету мақсатында ірі кәсіпорындармен әріптестікті жалғастыруда. Соның аясында колледж әкімшілігі мен Ақтау қаласында орналасқан «Новые трубные технологии» ЖШС директоры Урисбаев Искак Жәңгірханұлымен кездесу өтті. Аталған кәсіпорын — еліміздегі заманауи құбыр өндірісімен айналысатын ірі өнеркәсіптік орталықтардың бірі.

Мекеменің кәсіби бағыты металды өңдеу және коррозияға қарсы жабын қолдану; қосымша — пластмасса бұйымдары мен құбырларды шығарумен айналысады. Кездесу барысында колледж студенттерін өндірістік және дипломалды тәжірибеден өту, бітіруші түлектерді тағылымдамадан өткізіп, жұмысқа қабылдау сұрақтары талқыланды.

Кездесу нәтижесінде:

• Екіжақты кәсіптік ынтымақтастық туралы келісім шарт жасалды;

• Колледж оқытушылары мен өндірістік оқыту шеберлері тағылымдамадан өтуге;

• Студенттер өндірістік тәжірибеден өтуге мүмкіндік алды;

Колледж әкімшілігі кәсіпорынның материалдық-техникалық базасымен танысты. Бұл ынтымақтастық еңбек нарығына қажетті білікті мамандарды даярлауда жаңа мүмкіндіктер ашып отыр. Колледж бен кәсіпорын арасындағы ынтымақтастық – «Жұмысшы жылы» аясындағы нақты қадамдардың бірі болып саналады.