Қазіргі таңда экологиялық мәдениетті қалыптастыру және жасыл аумақтарды көбейту — қоғамның маңызды міндеттерінің бірі. Осы бағытта атқарылып жатқан игі істердің бірі ретінде «Tenaris» ЖШС мекемесінің өкілдерінен құралған еріктілер тобының бастамасын атап өткен жөн. Жуырда аталған компанияның еріктілері колледж ауласында абаттандыру жұмыстарын жүргізді. Бұл шараның мақсаты — студенттерге жайлы және экологиялық таза орта қалыптастыру, сонымен қатар қоршаған ортаны аялау мәдениетін насихаттау болды. Абаттандыру жұмыстары тек эстетикалық көріністі жақсартумен шектелмей, табиғатпен үндестік орнатуға, жас ұрпақтың табиғатқа деген сүйіспеншілігін арттыруға мүмкіндік берді.Колледж әкімшілігі мен студенттер қауымы «Tenaris» ЖШС еріктілеріне алғыс айтып, бұл бастама алдағы уақытта да жалғасын табатынына сенім білдіреді.