«Жалпы техника және технология» циклдік комиссиясының «Озық техника – жарқын болашақ» атты онкүндігі аясында арнайы пәндер оқытушысы Матжанова Рая Кияловнаның ұйымдастыруымен «Мамандығым – мақтанышым» тақырыбында қонақ дәрісі өтті.Аталған шараға әлеуметтік серіктес мекеме – «Маңғыстау жылу» кәсіпорнының бас механигі Айтуаров Бауржан Жармағанбетович арнайы шақырылып, «Машина жасау технологиясы (түрлері бойынша)» мамандығының студенттерімен кездесті.Бауржан Жармағанбетович студенттермен өзінің еңбек жолындағы тәжірибесімен бөлісіп, өндірістегі озық технологиялар, механика саласындағы заманауи үрдістер мен техникалық қауіпсіздік ережелері жайында мазмұнды ақпарат ұсынды. Сонымен қатар, ол өндірістік тәжірибенің болашақ мамандар үшін қаншалықты маңызды екенін атап өтіп, студенттерге құнды кеңестерімен бағыт-бағдар берді.